مراحب
ومساء الورد
صوتك يدفيني ومختاره عسى تعجبكم ..
دمتم بحب جميعا
يثيرني صوتك الهـادي ويغرينـي
أهيم وأرحل وأسافر في مساحاتـه
يجتاح قلبي ويسري في شرايينـي
وينسى خفوقي على صوتك معاناته
تدري حبيبي ترى صوتـك يدفينـي
زعلان راضي يدفي بكـل حالاتـه
سولف وضيع معك أجمل عناوينـي
مافيه غيرك عسل حرفه على شفاته
يهدمني الصوت كل مره ويبنينـي
ويعيش عمري قبل تشرف نهاياتـه
في الحب كلي معك سلمتك يدينـي
وأنا الهوى دارسه وأفهم بلهجاتـه
فداك روحي وعلى كيفـك تودينـي
ماأقول دربك حبيبي وين وجهاتـه
خذني من الليل بأحضانك ودارينـي
بتظاهر الخوف من ليلي وعتماتـه
أهتم فيني بعـد عمـري وغطينـي
الناس ماتدري عن العاشق ونياتـه
بين الغزل والوله والشوق خبينـي
عن التعب والسهر والجرح واهاتـه
العذر واضح ولو ماعـاد يمدينـي
تشفع براءة طفل عظيـم غلطاتـه
وأن حس قلبي حنانك إلتفت فينـي
وتشوف واحد كلامه وسط نظراتـه
أحكي لك الحزن والحرمان وسنيني
وبتعيش غربة مسافر من بداياتـه
تلقى الفقر مع جحود الوقت حاديني
على السفر والشقا همـه وغاياتـه
ياخذني الهم وفي النسيان يرمينـي
يعني مصيره أسيره حسب رغباتـه
حتى الشعر أكتبه والحرف يبكينـي
يصور ظروف شاعر ضاع في ذاته
ركز بضحكة شفاتي وناظـر بعيـن
يوجهي يلحف شقا عمري بضحكاته
ياليتني كنت أعرفك قبـل تأتينـي
ماكان عمري تعب من كثـر زلاتـه
أحساس روحك من جروحي يداويني
يا أجمل عطايا الزمن وآخر محطاته
أحلف لي أن ضاق صدري ماتخليني
وأنا خفوقي معك تربـح خساراتـه
ملاك العمر وجودك جنبي يكفينـي
تسهر العين لجل ليلـك ونجماتـه
أهواك أحبك وكلك حيـل تغرينـي
من طيب قلبك إلى صوتك وهمساته
وتقبلوا تحيتي ومحبتي
السبت أغسطس 02, 2008 3:29 pm